2007-11-19
කට හින්දා නහිමු ද ?
වත්මන් බ්‍රිතාන්‍යය අගමැති ගෝල්ඩ්න් බ්‍රවුන් මහතාට පෙර එරට අග්‍රාමාත්‍යධූරය දැරුවේ ටෝනි බ්ලෙයාර් මහතා ය.එකල බ්‍රිතාන්‍යය ළමුන්ගෙන් 20%ක් අධික ස්ථුලත්වයට ද තවත් 30%ක් දියවැඩියාවට ද ගොදුරු වී ඇති බව අනාවරණය විය.මේ පිළිබඳ සොයා බැලු අගමැතිවරයා ප්‍රකාශ කළේ රකුසන් තිදෙනෙක් තම රටේ ළමා පරපුර ගිළ ගෙන ඇති බවත් වහා ම ඊට පිළියම් යෙදිය යුතු බවත්ය. ඔහු රකුසන් ලෙස නම් කළේ සුදු පාන්, සුදු සීනි සහ සුදු බටර් ය. අතීතයේ "පෙරදිග සහල් ධාන්‍යාගාරය" යයි විරුදාවලි ලත් ශ්‍රී ලංකාවේ වත්මන් තත්ත්වය බ්‍රිතාන්‍යයේ තත්ත්වයට කිසිසේත් දෙවැනි නොවේ.
අතීතයේ තුන් වේලට ම බත් කෑ සිංහලයා සයුර පරයන මහා වැව් ද අහස සිඹින සුවිසල් චෛත්‍ය ද ගොඩ නැංවූහ. ගල් විහාරය, සීගිරිය, ලෝවාමහපාය, පරාක්‍රමබාහු මාළිගය ආදි නිර්මාණ කළහ.කව්සිළුමිණ, අමාවතුර, සද්ධර්මරත්නාවලිය ආදි සාහිත්‍ය නිර්මාණ කළහ.
දැන් සිංහලයා තුන් වේලට ම පාන් ද අතුරු වේල් සඳහා ක්‍ෂණික ආහාර (සෝට්ඊස්ට්) ද කමින් මෝඩයන්ට වෙන්වූ රූපවාහිනි නාළිකාවේ මහ ගෙදර සහ සුපර්ස්ටාර් වසුරු මානසික ආහාරය කර ගනිමින් ඔහේ ජීවිතය ගෙවා දමයි. වඩාත් හොඳින් කිවහොත් මහාරාජා වෙනුවෙන් ජීවත් වෙති.
මීට දශක දෙක තුනකට පෙර ලංකාවේ සිටි දියවැඩියා රෝගීන් මෙන් පනස් ගුණයක් පමණ දියවැඩියා රෝගීන් දැන් ලංකාවේ සිටින බව වාර්ථා වේ.දියවැඩියාවේ රෝග නිධානය අන් කිසිවක් නොව මෙම විකෘති ආහාර පුරුදු සහ කුසීන දිවි පෙවෙත බව පැහැදිළි ය. නවීන තාක්ෂණික දියුණුව සමඟ බිහිවන විවිධ යන්ත්‍ර සූත්‍ර උපාංග මිනිසා තව තවත් කම්මැලි කර ඇත. නිවසින් වාහනයට නැගෙන ඔබ කාර්යාල පරිශ්‍රයේ --- නිල කාමරයට ගොස් කැරකෙන පුටුවේ වාඩි වී දුරස්ථ පාලකයෙන් වායු සමීකරණ පණ ගන්වා ස්ථාවර දුරකතනය වෙනුවට ජංගම දුරකතනයෙන් කතා කරමින් පියන්වරු ලවා සියල්ල අත ළඟට ගෙන්වා ගෙන ලිපි ලේඛන සකසමින් සිට රාත්‍රියට නැවත ගෙදර ගොස් වතුර මලින් නා පුටුවක දිගෑදි දුරස්ථ පාලකයෙන් රූපවාහිනිය පණ ගන්වා එය නරඹා නින්දට ගොස් නැවත පුරුදු චක්‍රය උදෑසන ආරම්භ කරන කෙනෙක් ද? ඔබේ ප්‍රධාන ආහාරය පාන් පිටියෙන් තැනූ විවිධ නිෂ්පාදන ද? එසේ නම් ඔබේ ජීවිතය ද දියවැඩියාවෙන් කෙළවර කර ගැනීමේ සුදුසුකම් ඔබ දැනටමත් සපුරා ඇත.
දියවැඩියාව ඉතා ම කරදරකාරි රෝගයකි. ඔබේ අතක පයක සැදෙන කුඩා තුවාලයක් අත හෝ පය කපා ඉවත් කර දැමීමට තරම් දුරදිග යා හැකි ය. ආහාර පාලනය කිරීමට සහ දිනපතා බෙහෙත් අහුරු පිටින් ගිල දමන්නට ඔබට සිදුවනු ඇත.ඇස් පෙනීම අඩුවීම,අක්මාව ආශ්‍රිත ආබාධ ආදි විවිධ ශාරිරික දුබලතා සහ ලිංගික බෙලහීනතාවන්ට ඔබ ගොදුරු වනු ඇත.
මෙම පීඩාකිරි රෝගය පරම්පරාවෙන් බෝවීමේ ප්‍රවණතාවක් තිබුණ ද වෙනත් වසංගත රෝග මෙන් (ඒඩ්ස් වැනි රෝග) පුද්ගලයාගෙන් පුද්ගලයාට සම්ප්‍රේෂණය නොවේ.සතුන්ගෙන් බෝ (ඩෙංගු, මැලේරියා) නොවේ.සැබවින් ම මේ මිනිසා සිය චර්යාවන් මගින් අත් කර ගන්නා රෝගයකි. ඒවා පරිචිත රෝග ලෙස වෛද්‍ය විද්‍යාවේ දී හැදින් වේ.
දියවැඩියාවෙන් ගැලවීමේ හැකියාව අප සියලු දෙනා සතුව ඇත. ඒ සදහා කළ යුත්තේ ඉතා ම සුළු කැප කිරීමකි. ඒ අන් කිසිවක් නොව අපේ ආහාර පුරුදු යථා තත්ත්වයට පත් කර ගැනීම සහ ක්‍රියාශීලි දිවි පෙවෙතකට හැඩ ගැසීමයි.නිරෝගි ජීවිතයක් යනු නිසල මනසක් සහ ක්‍රියාශීලි ශරීරයකි. මේ වන විට ඔබේ ජීවිතය සම්පූර්ණයෙන් විකෘති වී ඇති බව ඔබට පෙනී යනු ඇත. මනස සසල වී දස අතේ දිව යන අතර ශරීරය එක් තැනකට සීමා වී කුසීත වී ඇත. මේ තත්ත්වයෙන් ගැළවීම යනු දියවැඩියාව කරා දිව යන ඔබේ ගමනේ නැවතීම වන අතර සෞඛ්‍යය සම්පන්න ප්‍රීතිමත් දිවි පෙවෙතක ආරම්භය ද වනු ඇත.
අතීතයේ තුන් වේලට ම බත් කෑ සිංහලයා සයුර පරයන මහා වැව් ද අහස සිඹින සුවිසල් චෛත්‍ය ද ගොඩ නැංවූහ. ගල් විහාරය, සීගිරිය, ලෝවාමහපාය, පරාක්‍රමබාහු මාළිගය ආදි නිර්මාණ කළහ.කව්සිළුමිණ, අමාවතුර, සද්ධර්මරත්නාවලිය ආදි සාහිත්‍ය නිර්මාණ කළහ.
දැන් සිංහලයා තුන් වේලට ම පාන් ද අතුරු වේල් සඳහා ක්‍ෂණික ආහාර (සෝට්ඊස්ට්) ද කමින් මෝඩයන්ට වෙන්වූ රූපවාහිනි නාළිකාවේ මහ ගෙදර සහ සුපර්ස්ටාර් වසුරු මානසික ආහාරය කර ගනිමින් ඔහේ ජීවිතය ගෙවා දමයි. වඩාත් හොඳින් කිවහොත් මහාරාජා වෙනුවෙන් ජීවත් වෙති.
මීට දශක දෙක තුනකට පෙර ලංකාවේ සිටි දියවැඩියා රෝගීන් මෙන් පනස් ගුණයක් පමණ දියවැඩියා රෝගීන් දැන් ලංකාවේ සිටින බව වාර්ථා වේ.දියවැඩියාවේ රෝග නිධානය අන් කිසිවක් නොව මෙම විකෘති ආහාර පුරුදු සහ කුසීන දිවි පෙවෙත බව පැහැදිළි ය. නවීන තාක්ෂණික දියුණුව සමඟ බිහිවන විවිධ යන්ත්‍ර සූත්‍ර උපාංග මිනිසා තව තවත් කම්මැලි කර ඇත. නිවසින් වාහනයට නැගෙන ඔබ කාර්යාල පරිශ්‍රයේ --- නිල කාමරයට ගොස් කැරකෙන පුටුවේ වාඩි වී දුරස්ථ පාලකයෙන් වායු සමීකරණ පණ ගන්වා ස්ථාවර දුරකතනය වෙනුවට ජංගම දුරකතනයෙන් කතා කරමින් පියන්වරු ලවා සියල්ල අත ළඟට ගෙන්වා ගෙන ලිපි ලේඛන සකසමින් සිට රාත්‍රියට නැවත ගෙදර ගොස් වතුර මලින් නා පුටුවක දිගෑදි දුරස්ථ පාලකයෙන් රූපවාහිනිය පණ ගන්වා එය නරඹා නින්දට ගොස් නැවත පුරුදු චක්‍රය උදෑසන ආරම්භ කරන කෙනෙක් ද? ඔබේ ප්‍රධාන ආහාරය පාන් පිටියෙන් තැනූ විවිධ නිෂ්පාදන ද? එසේ නම් ඔබේ ජීවිතය ද දියවැඩියාවෙන් කෙළවර කර ගැනීමේ සුදුසුකම් ඔබ දැනටමත් සපුරා ඇත.
දියවැඩියාව ඉතා ම කරදරකාරි රෝගයකි. ඔබේ අතක පයක සැදෙන කුඩා තුවාලයක් අත හෝ පය කපා ඉවත් කර දැමීමට තරම් දුරදිග යා හැකි ය. ආහාර පාලනය කිරීමට සහ දිනපතා බෙහෙත් අහුරු පිටින් ගිල දමන්නට ඔබට සිදුවනු ඇත.ඇස් පෙනීම අඩුවීම,අක්මාව ආශ්‍රිත ආබාධ ආදි විවිධ ශාරිරික දුබලතා සහ ලිංගික බෙලහීනතාවන්ට ඔබ ගොදුරු වනු ඇත.
මෙම පීඩාකිරි රෝගය පරම්පරාවෙන් බෝවීමේ ප්‍රවණතාවක් තිබුණ ද වෙනත් වසංගත රෝග මෙන් (ඒඩ්ස් වැනි රෝග) පුද්ගලයාගෙන් පුද්ගලයාට සම්ප්‍රේෂණය නොවේ.සතුන්ගෙන් බෝ (ඩෙංගු, මැලේරියා) නොවේ.සැබවින් ම මේ මිනිසා සිය චර්යාවන් මගින් අත් කර ගන්නා රෝගයකි. ඒවා පරිචිත රෝග ලෙස වෛද්‍ය විද්‍යාවේ දී හැදින් වේ.
දියවැඩියාවෙන් ගැලවීමේ හැකියාව අප සියලු දෙනා සතුව ඇත. ඒ සදහා කළ යුත්තේ ඉතා ම සුළු කැප කිරීමකි. ඒ අන් කිසිවක් නොව අපේ ආහාර පුරුදු යථා තත්ත්වයට පත් කර ගැනීම සහ ක්‍රියාශීලි දිවි පෙවෙතකට හැඩ ගැසීමයි.නිරෝගි ජීවිතයක් යනු නිසල මනසක් සහ ක්‍රියාශීලි ශරීරයකි. මේ වන විට ඔබේ ජීවිතය සම්පූර්ණයෙන් විකෘති වී ඇති බව ඔබට පෙනී යනු ඇත. මනස සසල වී දස අතේ දිව යන අතර ශරීරය එක් තැනකට සීමා වී කුසීත වී ඇත. මේ තත්ත්වයෙන් ගැළවීම යනු දියවැඩියාව කරා දිව යන ඔබේ ගමනේ නැවතීම වන අතර සෞඛ්‍යය සම්පන්න ප්‍රීතිමත් දිවි පෙවෙතක ආරම්භය ද වනු ඇත.
Subscribe to:
Post Comments (Atom)
1 comment:
වටිනා අදහස් පෙලක්!
Post a Comment