2007-11-16
රන් අකුරින් ලිවීම
ඉතිහාසයේ රන් අකුරින් ලිවීම යන්නෙන් ව්‍යංගයෙන් පැවසෙන්නේ යම් ක්‍රියාවක ගැබ්වී ඇති ශ්‍රේෂඨත්වයයි. කිසියම් සිදුවීමකට ඉතිහාසය විසින් උරුම කර දෙන ප්‍රෞඩ ස්ථානය ඉන් ඇඟ වේ. දුටු ගැමුණු රජතුමා විදේශ ආක්‍රමණිකයන් පරාජය කර රට එක්සේසත් කිරීම, මහා පරාක්‍රමබාහු රජතුමා රට සහලින් ස්වයංපෝෂිත කිරීම, ගජබා රජතුමා චෝළ දේශය ආක්‍රමණය කිරීම, 2වන රාජසිංහ රජතුමා කළ මුල්ලේරියා සටන, ඇහැළෙපොළ අධිකාරම්ගේ පුත් මද්දුම බන්ඩාරගේ වීර ක්‍රියාව ඉන් කිහිපයකි. එපමණක් නොව රුවන්වැලිය-ජේතවනය-අභයගිරිය ආදී දාගැබ් ද , පරාක්‍රම සමුද්‍රය-තිසා-කලා-බසවක්කුලම ආදී මහා වැව් ද , ලෝවාමහපාය- සීගිරිය- ඉසුරුමුණිය ආදී කලා නිකේතන ද කළ රජවරු ඉතිහාසයේ රන් අකුරින් ලියවිණි.මෑත ඉතිහාසයේ එස්.මහින්ද හිමි, මහාචාර්ය සේනක බිබිලේ, ආනන්ද කුමාරස්වාමි, කුමාරතුංග මුනිදාස, ඊ.ඩබ්.අධිකාරම්, මාර්ටින් වික්‍රමසිංහ, එදිරිවීර සරච්චන්‍ද්‍ර, අමරදේව, සිරිල් පොන්නම්පෙරුම, ලක්‍ෂමන් කදිරගාමර්,ඩෙන්සිල් කොබ්බෑකඩුව, ගාමිණි කුරුකුලරත්න, සුසන්තිකා ජයසිංහ ආදීහු තමන් නියෝජනය කළ ක්‍ෂේත්‍රවල සිය නම රනින් ලියා තැබූහ. මේ ඉතිහාසය කෙටියෙන් සිහිපත් කළේ අන් කිසිවකට නොව ශ්‍රී ලංකා ආණ්ඩුව විසින් කරන ලද රන් අකුරින් ලියවෙන (ආණ්ඩුව පවසන පරිදි) වැඩක් ගැන හෙළි කිරීමටය.
1970 දශකයේ පමණ සිට මෙරට රාජ්‍ය නායකයෝ ලෝක බැංකුව, ජාත්‍යන්තර මූල්‍ය අරමුදල ආදි ජගත් කළු කඩ මුදලාලිලාගෙන් ණය ගැනීමට පුරුදු වූහ. අත නොසොල්ලා කට සෙලවීමට රහ වැටුණු නායකයෝ ටික ටික සිය රටේ අභිමානය පාවා දෙමින් ද මුදලාලිලාගේ පදයට නටමින් ද රටේ සම්පත් විකුණමින් ද ලෝකේ වටේ සවාරි ගසමින් ණය කැඩූහ. රටේ අනාගතය උකසට තැබූහ. අනෙකාට වැඩියෙන් කීයක් හෝ ණයට ගැනීම ඔවුන්ගේ අභිමාණයට කරුණක් විය. සුපුරුදු පරිදි මෙවර ද ආණ්ඩුව හිඟමනේ ගිය අතර හිඟා කෑම මහා පරිමාණ කර්මාන්තයක් බවට පත් කළ යූඇන්පිය ආණ්ඩුවට හිඟමන් දෙන්න එපා යයි තප්පුලන්න විය. මේ තරඟයෙන් ජය ලැබූ ආණ්ඩුවේ (පරාජය වුයේ රටය-දැන් සෑම ශ්‍රී ලාංකිකයෙකු ම රු.ලක්‍ෂ 2ට කිට්ටු ණයකාරයෙකි. ) නියෝජ්‍ය මුදල් ඇමතිවරයා සිය ජයග්‍රහණය ඉතිහාසයේ රන් අකුරින් ලියවෙනු ඇතැයි පැවසුවේ ය. මහා කාරුණික ඒ සිටුවරුන්ගේ හදවත් උණු වී තමා ඉල්ලා සිටි මුදලටත් වඩා මුදලක් දුන් බව ද කීවේ ය. මා කලින් පෙන්වා දුන් කරුණු සලකා බලා මේ ක්‍රියාව ඉතිහාසයේ ලියවෙන අකුරු වර්ගය කුමක්දැයි තීරණය කිරීමේ අවස්ථාව ඔබට ලබා දෙමි.
1970 දශකයේ පමණ සිට මෙරට රාජ්‍ය නායකයෝ ලෝක බැංකුව, ජාත්‍යන්තර මූල්‍ය අරමුදල ආදි ජගත් කළු කඩ මුදලාලිලාගෙන් ණය ගැනීමට පුරුදු වූහ. අත නොසොල්ලා කට සෙලවීමට රහ වැටුණු නායකයෝ ටික ටික සිය රටේ අභිමානය පාවා දෙමින් ද මුදලාලිලාගේ පදයට නටමින් ද රටේ සම්පත් විකුණමින් ද ලෝකේ වටේ සවාරි ගසමින් ණය කැඩූහ. රටේ අනාගතය උකසට තැබූහ. අනෙකාට වැඩියෙන් කීයක් හෝ ණයට ගැනීම ඔවුන්ගේ අභිමාණයට කරුණක් විය. සුපුරුදු පරිදි මෙවර ද ආණ්ඩුව හිඟමනේ ගිය අතර හිඟා කෑම මහා පරිමාණ කර්මාන්තයක් බවට පත් කළ යූඇන්පිය ආණ්ඩුවට හිඟමන් දෙන්න එපා යයි තප්පුලන්න විය. මේ තරඟයෙන් ජය ලැබූ ආණ්ඩුවේ (පරාජය වුයේ රටය-දැන් සෑම ශ්‍රී ලාංකිකයෙකු ම රු.ලක්‍ෂ 2ට කිට්ටු ණයකාරයෙකි. ) නියෝජ්‍ය මුදල් ඇමතිවරයා සිය ජයග්‍රහණය ඉතිහාසයේ රන් අකුරින් ලියවෙනු ඇතැයි පැවසුවේ ය. මහා කාරුණික ඒ සිටුවරුන්ගේ හදවත් උණු වී තමා ඉල්ලා සිටි මුදලටත් වඩා මුදලක් දුන් බව ද කීවේ ය. මා කලින් පෙන්වා දුන් කරුණු සලකා බලා මේ ක්‍රියාව ඉතිහාසයේ ලියවෙන අකුරු වර්ගය කුමක්දැයි තීරණය කිරීමේ අවස්ථාව ඔබට ලබා දෙමි.
Subscribe to:
Post Comments (Atom)
No comments:
Post a Comment